Miellahttovuohta

5 § Searvvi fásta miellahttun sáhttá dohkkehuvvot olmmoš, gii dohkkeha searvvi ulbmila. Doarjumielahttun sáhttá dohkkehuvvot priváhta olmmoš dahje riektegelbbolaš servodat, mii háliida doarjut searvvi ulbmila ja doaimma. Fásta miellahtuid ja doarjumiellahtuid dohkkeha ohcama vuođul searvvi stivra. Gudniságadoallin dahje gudnimiellahttun sáhttá stivrra árvalusa mielde bovdejuvvot olmmoš, gii lea erenoamážit ovddidan ja dorjon searvvi doaimma. Miellahtus lea vuoigatvuohta earránit searvvis almmuhemiin dan birra girjjálaččat stivrii dahje dan ságadoallái dahje almmuhemiin earustis searvvi čoahkkimis merkkehahttimiin dan beavdegirjái. Stivra sáhttá earuhit miellahtu searvvis, jus miellahttu lea guođđán miellahttomávssu mávssekeahttá dahje muđui guođđán deavdekeahttá daid geatnegasvuođaid, maiguin son lea searvái searvamiin čatnasan dahje lea iežas meannudemiin searvvis dahje dan olggobealde fuobmášahtti olu vahágahttán searvvi dahje ii šát deavdde lágas dahje searvvi njuolggadusain mainnašuvvon miellahttovuođa eavttuid.

Miellahttomáksu

Jahkásaččat máksojuvvon faśta ja doarjumiellahttomávssu sturrodagas mearrida sierra goappáge miellahttojovkui jahkečoahkkin. Gudneságadoalli ja gudnemiellahtut eai mávsse miellahttomávssuid.
Miellahttomáksun lea mearriduvvon 20 euro jagis; studeanttain 10 euro. Mávsse dan FI98 5723 0220 3848 66.