5 § Seervi eidusâš jesânin puáhtá tuhhiittiđ ulmuu, kote tuhhit seervi ulme. Toorjâjesânin puáhtá tuhhiittiđ ovtâskâs ulmuu tâi riehtitohálii siärváduv, mii haalijd tuárjuđ seervi ulme já tooimâ. Eidusâš jesânijd já toorjâjesânijd tuhhit ucâmuš vuáđuld seervi stivrâ. Kunneesaavâjođetteijen tâi kunneejesânin puáhtá stiivrâ oovdânpyehtim vuáđuld seervi čuákkimist povdiđ ulmuu, kote lii huámášitteht ovdedâm já tuárjum seervi tooimâ. Jesânist lii vuoigâdvuotâ iärániđ seervist almootmáin tast kirjálávt stiivrân tâi ton saavâjođetteijei teikkâ almootmáin iärránmist seervi čuákkimist merkkimnáál pevdikiirján. Stivrâ puáhtá iäruttiđ jeessân seervist, jis sun lii kuáđđám mäksimnáál šoddâm jeessânmáávsus mävsihánnáá tâi mudoi kuáđđám tevdihánnáá taid kenigâsvuođâid, moid sun lii siärván servâmáin čonâsân tâi lii lattiimis keežild seervist tâi ton ulguubeln huámášitteht vahâgittám seervi tâi ij innig teevdi laavâst teikkâ seervi njuolgâdusâin mainâšum jeessânvuođâ vátámâšâid.
Jeessânmáksu
Ihásii jeessânmáávsu stuáruduvâst mii piärroo eidusâš jesânijn já toorjâjesânijn kuábbáá-uv jeessânjuávhu uásild sierâ, meerrid ihečuákkim. Kunneesaavâjođetteijee já kunneejesâneh iä määvsi jeessânmáávsuid.
Jeessânmáksu lii puohâin 20 eurod ivveest.