Dutkansearvvi dieđálaš áigečála (anárašg.Tutkâmseervi tieđâlâš äigičaalâ, nuortalašg. Tuʹtǩǩeemsieʹbr tiõđlaž äi´ǧǧpââ´jjlõstton) lea Sámegiela ja -kultuvrra dutkansearvvi dieđalaš publikašuvdna.
Áigečállaga čállosat giehtadallet sámegiela ja –kultuvrra áigeguovdilis fáttáid. Lassin dan bokte juohkit dieđuid sáme- ja eamiálbmotdutkamis sihke daid bohtosiin.
Dutkansearvi fállá almmuhan- ja ságastallanreaiddu nu ahte doaibmá neutrálalaččat iige deattut etnihkalaš duogážiid. Ulbmilin lea movttiidahttit dutkiid ja aktivisttaid čállit teavsttaid sámegillii.
Doaimmahusgotti bargun lea dohkkehit almmuhemiid. Dat veahkeha maiddái giellabassamis, teavstta doaimmaheamis jna. Doaimmahusgoddi maiddái bivdá čállosiid áigeguovdilis fáttáin. Čállit vástidit iežaset teavsttaid sisdoaluin ja jurdagiin sihke fuolaheamis sisdoalu ja hámi bealis almmuhanortnegii. Teavsttat galget vuođđudit dutkandihtui dahje dat galget giehtadallat áigeguovdilis ja varas sámegielaid dahje – kultuvrra fáttáid.
Publikašuvnnas lea fágaguoibmeárvvoštallan.
Jagi 2018 dieđalaš áigečállagis leat almmustuvván guokte nummára:
2018:1
2018:2